Languages
English Cantonese
Printer Friendly Tell a Friend

F4U-1A Corsair(海盗) - 1/72

F4U-1A Corsair(海盗) - 1/72
TAKA 女店員第三件作品,砌完坦克車,試砌飛機,全機筆塗上色。
(製作技術支援:Taka Hobby)
<按圖放大>
(Day 1) F4U-1A Corsair(海盗), 是美國海軍陸戰隊和海軍其中一架主力戰鬥機,活躍於第二次世界大戰太平洋戰線,即與日本零式等戰機對戰。
(Day 2) 砌飛機通常由駕駛艙開始,由於這架1/72 飛機比較細,最好準備一個鉗子挾細小部件。
(Day 3) 上面黃綠色部件洗了(wet wash) 一層很稀的琺瑯漆(enamel paint),即滲線。
(Day 4) 如要掛輔助油箱(Drop Tank)就要鑽窿。說明書通常寫明鑽幾大。若沒有寫直徑幾多,就鑽細孔開始,慢慢加大直徑。
(Day 5) 搽模型膠水前,最好先試組合部件,以免砌錯。
(Day 6) 引擎用淺色d 嘅 XF-56 metallic grey (銀灰色) [說明書指示用 X-10 Gun Metal(黑鐵色)]。之後用黑色琺瑯漆(enamal)滲線,在水性顏料上用琺瑯漆(enamel),盡量即刻做清理,適可而止。
(Day 7) 細小的引擎已完成滲線(panel line wash)。
(Day 8) 砌飛機需要注意平衡和對稱。裝尾翼要小心點,除靠對眼,可準備細鋼尺度左右機翼的離地距離。
(Day 9) 開始上色,全機筆塗一層很薄水性啞白色(XF-1 / H-11)做底漆。(開稀d 油,可加Tamiya 87114 Acrylic Paint Retarder 延乾劑)
(Day 10) 由淺色開始,肚腩是白色,薄薄上多幾層就ok。
第二隻色是淺海軍藍色,由於比例細咗,最好幾將標準色調淺色d, 不過都係自己喜歡就得。(點解有一半機翼是淺藍色,不是全部白色??)
(Day 11) 機背標準色是海軍藍,是比盒面的深色。女店員想油盒面隻藍色,簡單方法是攞隻碟出嚟,各自抽一滴白,深藍,光藍,喜歡的可加埋灰同黃。慢慢試,記住個比例,之後就開一小樽機背藍出嚟油。
(Day 12) 試咗太約比例後,用空樽開油,用模型枝架試色。如初次溝色,開多少少油,否則唔夠油會溝唔番一樣色,會一撻撻唔同色。
點才叫啱色?自己喜歡就係啱色。
(Day 13) 右面主翼前有一撻油好厚,點攪?
待乾透後用沙紙或海綿沙紙加水磨,磨完再補色。一定唔可以用溶液(thinner) 之類野抹,唔信試吓。
(Day 14) 筆塗是基本功。所以初接觸模型,最好先學習用筆塗。(這是女店員第三盒模型,第一盒沒有上色)
每層油盡量薄,心急可用風筒吹。筆塗另一個缺點係分色線會很實(圖中箭咀),好唔自然,其實是有方法解決,下回分解。
(Day 15) 令分色線無咁實,soft d。
小碟上準備一半油,一半水性溶液(T111 / X-20A)。小小咁試,不過小心藍色愈油大面積。可用其他膠件先作練習。
(Day 16) 滲線 (panel line wash)。
在水性顏料上用琺瑯漆(enamel)滲線, 記住唔好過夜唔清理,食完餐飯就要開始抹。
(Day 17) 滲線 (panel line wash)。比例細嘅模型,舊化適可而止。
(Day 18) 滲線 (panel line wash)。機背。
(Day 19) 黏水貼前,務必仔細閱讀說明書上的步驟指示。
可先將模型表面上層光油,等水貼較易咬住表面,無咁易藏氣泡。先貼較小而在唔起眼位嘅水貼(如機身下面) ,當練習,失手爛咗都無咁大鑊。美國標誌當然最後才貼上。
要將水貼蝕落機身表面,需要用水貼軟化劑,因軟化劑接觸水貼後會軟和有摺皺,不能再移動,新手可只塗在貼紙上面,放一晚待乾。
黏水貼會遇到好多問題,需要練習與耐性去解決。
(Day 20) 砌飛機要經常留意左右對稱,高低位。
(Day 21) 上咗色才剪落嚟,定剪落嚟先才上色,其實無話邊樣好d, 睇習慣同自己衡量邊個方法方便d。
圖中兩塊,14,15,好似樣,如分唔到,剪出嚟後就要mark number。
(Day 22) 做好一件事,整齊,頭腦清晰都很重要,飛機左右邊零件,好似樣的,如果分唔到就要mark number。
(Day 23) 試組(即唔落膠水,plan 下黏邊個part 先好d, 方便d) 。起落架(個轆), 對真飛機或飛機模型都非常重要。一定要試好哂位,計劃好用邊種膠水黏[傳統模型膠水 / 稀膠水(extra thin cement), 快乾膠(CA cement/instant cement)]。
注意:膠表面油漆會影響膠水黏合力和膠水乾嘅速度。
(Day 24) 如說明書指示,兩邊起落架(轆)要對稱,最好倒轉放一晚待膠水乾。
(Day 25) 左右起落架要對稱,望完後面望正面,覺ok就倒轉放一晚待膠水乾。
(Day 26) 貼完水貼,乾後再檢有無氣泡,再用水洗去多餘膠水。可以上光油保護水貼(唔可以噴透明件的)。用水性油。(油性油,solvent-based paint會好容易乸爛水貼)
(Day 27) Mr Topcoat Clear乾後,用極幼細海綿沙紙加水磨,令表面更平滑。
(Day 28) 噴了Mr Topcoat Clear,乾後都可以用極幼細海綿沙紙加水磨,令水貼看落去無厚度,可能要重覆噴磨幾次,直到自己滿意。
(Day 29) 最後噴上半光澤Mr Topcoat Semi-Gloss。
(Day 30) 圖中雖是步驟[5],其實藍圈部份訊號燈要最後才做。
(Day 31) 先油大粒的著陸燈,銀色。
(Day 32) 銀色乾後就黏上透明罩,唔可以用模型膠水黏呢粒野,可用白膠漿或透明件專用膠。
(Day 33) 說明書指示直接油紅色(X-7),綠色(X-5),橙色(X-6)。現試下先油銀色(X-11),再油透明紅(X-27),透明綠(X-25),透明橙(X-26)。
(Day 34) 黏上座艙透明罩,透明件用白膠漿或透明件專用膠,模型膠水會乸花透明件。
(Day 35) 這一枝是空速管(pitot tube), 俾飛行員知道飛行速度等數據。最後才黏啦,好易斷的。
(Day 36) 這個是輔助油箱,增加作戰半徑,英文叫Drop Tank, 意思簡而清,遇敵機時即掉下(drop), 以免影響機動性。
(Day 37) 要認得Corsair(海盗),就要認住佢隻似海鷗的主翼。Corsair(海盗)的固定武裝為每邊機翼各3挻 .50 cal (12.7mm) 機槍(口徑等同M4雪曼(Sherman)車頂上的機槍)。
(Day 38) 此"海盗旗骷髏頭"為美國海軍"VF-17 Jolly Rogers"中隊隊徽。VF-17 於1943年成立,他們駕駛的戰鬥機叫Corsair(海盗),所以就用"海盗旗骷髏頭"為隊徽。此中隊在第二次世界大戰共擊落313架日本飛機,是美國海軍第一名。而呢個中隊2017 仲係唔係到呢?
(Day 39) 第二次世界大戰結束後,VF-17被編成VF-61,最後於1959年解散。之後,VF-84 中隊承繼了Jolly Rogers個名和骷髏頭隊徽。1995年,VF-84 解散,骷髏頭就由VF-103承繼。
現役的骷髏頭係F/A-18F超級大黄蜂 (Super Hornet),由於超級大黄蜂是戰鬥轟炸機,所以中隊名叫VFA-103。
(Day 40) 駕駛艙上機師名 Kepford, LT JG 是軍階 Lieutenant (junior grade), 海軍中尉。Kepford是駕駛海盗戰鬥機擊落最多敵機的飛行員,共16架。
(Day 41) 砌軍事模型,同時可尋找他們真實的歷史記錄。
(Day 42 完成) 海盗大家庭。
飛機模型大多分為1比72; 1比48 和1比32。大家可按個人喜好選擇。如是初次接觸飛機,可先考慮1比48。

TAKA Beginner's Diary

M4A1 Sherman(雪曼) - 1/48

雪曼 盟軍第二次世界大戰主力坦克 TAKA 女店員第二件作品,全車筆塗上色。
(製作技術支援:Taka Hobby)
read more...read more...

F4U-1A Corsair(海盗) - 1/72

F4U-1A Corsair(海盗) - 1/72
TAKA 女店員第三件作品,砌完坦克車,試砌飛機,全機筆塗上色。
砌軍事模型,同時可尋找他們真實的歷史記錄。
(製作技術支援:Taka Hobby)
read more...read more...

Velociraptors (速龍) - 1/35

Velociraptors (速龍) - 1/35
TAKA 女店員第六項製作。
1比35 Velociraptors (速龍),隻隻都好slim好fit。
(製作技術支援:Taka Hobby)
(Day 3)
read more...read more...

Shimakaze 島風 - 1/700

Shimakaze 島風 - 1/700
TAKA 女店員第七項製作。
1比700 Shimakaze 島風,第二次世界大戰日本海軍最高速的驅逐艦。
(製作技術支援:Taka Hobby)
(Day 4)
read more...read more...
-->
Lyrics Music by ViArt CMS